Panorama Plus/ Njerku i Amy Winehouse, Richard Collins, ka ka ndërruar jetë në moshën 71-vjeçare. Richard, i cili ndërroi jetë disa ditë pasi u trajtua në spital, e mbështeti Amy-n gjatë gjithë karrierës së saj deri në vdekjen e saj në vitin 2011 në moshën 27-vjeçare.
Richard, i cili ishte i martuar me nënën e këngëtares Janis, ndihmoi në themelimin e Fondacionit Amy Winehouse pas vdekjes së saj tragjike nga helmimi nga alkooli. Një deklaratë në Tëitter të Fondacionit Amy Winehouse konfirmoi lajmin për vdekjen e Richard. Aty shkruhej: “Ne jemi shumë të pikëlluar t’ju sjellim lajmin se i besuari ynë Richard Collins, ka ndërruar jetë këtë javë.
“Burri i përkushtuar dhe i kujdesshëm për Janis, dhe babai i Michael dhe Jess, ne do ta kujtojmë gjithmonë humorin e tij të shkëlqyeshëm dhe ndjenjën e argëtimit. Duke dërguar shumë dashuri për të gjithë familjen.’
Ky lajm vjen vetëm disa ditë pasi gruaja e Richard, Janis konfirmoi më 25 prill se burri i saj ishte në spital dhe ajo gati e kishte humbur atë.Duke postuar në Twitter, ajo shkroi: ‘Përshëndetje të gjithëve në Tëitter, burri ka qenë në spital që nga java e kaluar dhe ne gati e humbëm atë dy herë!
“Unë do të doja të falënderoja të gjithë mjekët Royal Free London për kujdesin dhe vëmendjen e tij të madhe. Fatkeqësisht nuk do t’u përgjigjem postimeve tuaja në Twitter, por vetëm do të jap përditësime. Janis xxx.’
Disa fansa shprehën ngushëllimet e tyre pas njoftimit, ku njëri shkroi: ‘Një burrë kaq i bukur. E kam takuar disa herë dhe ai ishte gjithmonë kaq i sjellshëm dhe i dashur. Dashuria dhe mendimet e mia janë me Janisin dhe familjen e tij në këtë kohë të trishtuar. Godspeed Richard x’.
NDIQE LIVE "PANORAMA TV" © Panorama.al
