Dy spitale te reja ne Qendren Spitalore Universitare ‘Nene Tereza’ ne Tirane. Prezantimi i celjes se kantierit te ri te punimeve u be sot nga Kryeministri Edi Rama dhe ministrja e Shëndetësisë Manastirliu.
Pjese e investimit 25 mln euro eshte fuqizimi i dy kolave te sherbimit shendetesor, ndertimi i spitalit të ri të sëmundjeve të brendshme dhe spitalit të kirurgjisë. Sipas ministres Manastirliu, punimet do të përfundojnë pas 30 muajsh.
Nderkohe qe kryeministri Rama gjate fjales se tij para mjekeve dhe infermiereve te pranishem, deklaroi se do te kemi shpejt një “spital te ri kirurgjie me 120 shtretër, 7 salla operacioni së bashku me spitalin e ri të sëmundjeve të brendshme janë infrastrukturë jetike e munguar për shumë e shumë vite”.
Sipas Rames, spitalin e garanton gjithë personeli, ndaj “përtej stigmës së padrejtë që i barazon në sytë e publikut mjekët dhe infermierët, e vërteta është që shumica e atyre që shërbejnë janë zemra e këtij sistemi dhe ata që shpëtojnë jetë njerëzish, apo rimëkëmbin organizmat e mijëra njerëzve cdo vit. Do bëjmë tjetër rritje pagash për gjithë trupën, që është e domosdoshme që të japim mesazh të qartë të respektit dhe nevojës që kemi për ta mbajtur sa më të konsoliduar këtë trupë”- tha ai.
NDIQE LIVE "PANORAMA TV" © Panorama.al
