Detaje/ Kush është shqiptari, babai i dy fëmijëve që u ekzekutua në Athinë

0
SHPËRNDAJE

Roland Shëmbitrasi 39 vjeç është shqiptari i ekzekutuar mëngjesin e djeshëm rreth orës 04:40 në lagjen “Glyfada” në Athinë.

roland shembitrasi

Tvklan.al ka mësuar se shqiptari i vrarë ishte baba i dy vajzave. Roland Shëmbitrasi është me origjinë nga Korça dhe ka jetuar në jetuar në Librazhd. Më pas, së bashku me familjen ka emigruar në Greqi ku dhe jetonte për disa vite me radhë në Athinë.

Mediat greke thonë se ai ishte bashkëpronar në lokalin e natës “Joy Bar”, ku dhe u ekzekutua. Atentatorët u afruan pranë tavolinës ku ai po qëndronte në verandën e lokalit dhe e qëllan tre herë me armë.

I plagosur edhe mbeti një shqiptar tjetër i quajtur Gjergji Kapaj. Hetuesit grekë dyshojnë se ngjarja mund të ketë lidhje me trafikun e drogës. Roland Shëmbitrasi njihej edhe me nofkën Roni në lagjen Glydafa.

Në një postim në Facebook ditën e djeshme, lokali “Joy” shkruan se ngjarja ndodhi jashtë ambienteve të lokalit dhe nuk ka lidhje me të. Vrasja e shqiptarit në qendër të Athinës i ngjan një ekzekutimi mafioz në vitin 2011 po në kryeqytetin grek dhe dyshimet janë se mund të jenë të njëjtët autorë.

Te lidhura

 

Artikulli paraprakEMRAT/ Kapen kriminelët e bandës famëkeqe, pjesë e saj dhe dy shqiptarë (foto + video)
Artikulli tjetër“Nuk pati vend për ndonjë zv/ministër nga veriu?” Shikoni si i përgjigjet me ironi Rama qytetares

S'KA KOMENTE

Comments are closed.