Pas deklaratave një prej personave të arrestuar si pjesë e bandës së Shijakut në kuadër të operacionit ‘Vol-Vo 4’, Astrit Avdylajt, i cili përfshinë edhe emra të njohur të politikës, vjen një reagim nga ish-kryeministri Sali Berisha.
Berisha në një postim në Facebook, shkruan se maskat ranë pas deklaratës sot në sallën e Gjykatës së Krimeve të Rënda nga Avdylaj, i cili shprehte hapur mbështetjen për kryebashkiakun Vangjush Dakon dhe simpatinë për PS.
“Bien Maskat! Rrofte parita e krimit, organizata kriminale, Partia Siçiliste me ne krye Kryekumbar Edvinin, “Rrofte Gjush Avdyli” therret Tit Avdyli (Niçja i Dakos) ne sallen e gjyqit! sb”, shkruan Berisha.
Gjatë seancës ku ka kërkuar lirimin, Avdyli ka deklaruar se i qan hallet në Partinë Socialiste.
“Rroftë Dako, rroftë PS, aty i qaj hallet”, ka qenë kjo deklarata e Astrit Avdylit në Gjykatën e Krimeve të Rënda.
“Kam bere burg politik, kam qene i persekutuar”- ka thene ai, duke e pranuar hapur se i ka sherbyer Dakos.
“Vangjush Dakos i kam sherbyer. Me heret i kam sherbyer Berishes dhe Agron Dukes, por tani kam ndryshuar kah politik. Besoj ne programin e Dakos dhe te PS-se”- ka thene ai.
Më tej Avdyli ka deklaruar se ka njohje me Ndokat pasi i ka njohur në burg. “Ndokat i kam miq, i kam njohur në burg”, është shprehur ai para togave të zeza.
NDIQE LIVE "PANORAMA TV" © Panorama.al
