Kryeministri, Edi Rama gjatë një bashkëbisedimi me fermerët në Roskoves, ka marrë një ankesë të veçantë.
Një nga fermerët iu ankua se zyra e regjistrimit të pasurive nuk pranon që t’u ndajë tokën dy vëllezërve pasi babai i tyre ka vdekur.
Biseda
Fermeri: Dhe unë dhe vëllai im, e kemi tokën bashkë që në momentin që është ndarë. Babai im ka vdekur po bën 20 vjet. Shkojmë te Zyra e Regjistrimit ai më thotë edhe 12 vjet do presësh… Ça mund të bëj?
Rama: Tani nëse kërkon që Zyra e Regjistrimit të bëjë rolin e babait këtë harroje se…nuk kapet ky nivel.
Fermeri: Po ku ta gjejmë babën?
Rama: Ta gjesh me vëllain…
Fermeri: Me vëllain e kam gjet, por nuk ndahet toka. si mund ta ndajmë? Ta blej tokën te vëllai?
Rama: Jo mo mos e blej të vëllai, mbajeni bashkë…
Fermeri: Ta mbajmë bashkë?
Rama: Po
Fermeri: Në rregull ju e dini! Dakord po ça t’i bëjmë drejtorit se thotë edhe 12 vjet do të sorrollatesh.
Përmendja e vdekjes së babait shkaktoi keqkuptim në bisedën e Ramës me fermerin dhe pasi ndërhyri një tjetër person në bisedë, Kryeministri u zotua se do të merrej personalisht me drejtorin e Zyrës së Regjistrimit të Pronës për të zgjidhur këtë çështje.
NDIQE LIVE "PANORAMA TV" © Panorama.al