Zyrtarët kanadezë nuk do ofrojnë më siguri për Princ Harry-n dhe Meghan Markle pas muajit mars.
Vendimi u mor nga qeveria kanadeze të enjten.
Ministri i Sigurisë Publike, Bill Bler tha për CBC se do ndërpresin sigurimin e çiftit mbretëror dhe djalit të tyre 9 muajsh Archie.
Kjo do ndodhë në momentin që Duka dhe Dukesha e Sussex do humbin titujt e tyre pas vendosjes së tërheqjes nga familja mbretërore.
Policia kanadeze ka siguruar jetën e çiftit përgjatë muajve të fundit, pasi ata u zhvendosën për të jetuar atje, por me vendimin e qeverisë kjo gjë nuk do u ofrohet më.
Meghan dhe Princ Harry do fillojnë kapitullin e ri të jetës së tyre më 31 mars, periudhë kur do mbarojë edhe sigurimi nga ana e qeverisë kanadeze.
Çifti tronditi botën muajin e kaluar kur njoftuan planet e tyre për t’u larguar nga familja mbretërore dhe për të jetuar të pavarur financiarisht.
Ata do jetojë në Britaninë e Madhe dhe në Amerikën e Veriut.
