Britney Spears dëshiron që një llogaritar i certifikuar nga Los Anxhelos të zëvendësojë babanë e saj si bashkë-konservator të pasurisë që ka, sipas regjistrimeve të reja në gjykatë.
Spears po i kërkon një gjykatësi të miratojë Jason Rubin për të mbikëqyrur financat e saj, gjë që do ta lejonte atë të menaxhonte gjithashtu kujdesin e saj shëndetësor, raporton “Page Six”.
“Znj. Spears parashtron me respekt se Gjykata duhet të emërojë të nominuarin e saj, është një preferncë inteligjente dhe objektive për të nominuar një person të kualifikuar, profesionalisht i besuar në këto rrethana.
Për më tepër, znj. Spears pohon me respekt se duke pasur parasysh njohjen e Gjykatës më 14 korrik 2021, duke dëgjuar se znj. Spears ka kapacitet të mjaftueshëm për të zgjedhur avokatin e saj ligjor, ajo gjithashtu ka kapacitet të mjaftueshëm për të bërë këtë nominim”,- thuhet në kërkesën e dërguar në gjykatë.
Në një regjistrim të veçantë të hënën, avokati i saj, Matt Rosengaft, i kërkoi një gjykatësi të largonte babanë e këngëtares, James Spears, si bashkë-konservator të caktuar nga gjykata, në krye të pasurisë miliona dollarëshe të vajzës së tij.
Britney vetëm pak kohë më parë fitoi të drejtën për një avokat privat, Rosengart, i cili u zotua të ndihmojë klienten e tij.
Si rezultat i kësaj kërkese nga ana e këngëtares, një tjetër seancë gjyqësore do të mbahet më 13 dhjetor.
NDIQE LIVE "PANORAMA TV" © Panorama.al