Sulmuesi brazilian i Partizanit, Stenio Zhunior, është një ndër lojtarët më në formë në Superiore. Bomberi i të kuqve ka shënuar katër gola në katër ndeshjet e fundit dhe duket se Daja e ka gjetur bomberin në majë të sulmit.
Për momentin, Stenio Zhunior duket i pandalshëm dhe me mbështetjen edhe të Asanit e Çinarit, që po ashtu po kalojnë një formë të mirë, 29-vjeçari e ka kapur maksimumin e formës së tij. Përveç golave, Zhunior është edhe një lojtar që lufton shumë dhe motivon shokët e skuadrës, gjë që u pa dhe në Laç.
Kur skuadra e tij po mundej, ishte Zhunior ai që udhëhoqi ekipin përpara, madje shënoi dhe golin e barazimit 10 minuta nga fundit duke i hequr fitoren Laçit nga duart dhe duke shmangur humbjen për “demat”. Për momentin duket se Zhuniorin e ndal vetëm… rrjeta!
PANORAMASPORT.AL
NDIQE LIVE "PANORAMA TV" © Panorama.al
