Avokati Spartak Ngjela ka komentuar në profilin e tij në “Facebook” fjalën e ambasadorit amerikan, Donald Lu për reformën në Drejtësi.
Lu tha se do të digjej çdo udhëheqës politik që e zvarrit reformën në drejtësi. Për Ngjelën, Meta dhe Berisha janë dy politikanët që nuk e duan këtë rformë.
Megjithatë, avokati thekson se Rama dhe Meta e kanë pranuar linjën amerikane dhe se vetëm Berisha është gjendur i shokuar.
“Dje politika amerikane dhe europiano-perëndimore doli hapur në mbështetje të shqiptarëve dhe kundër korrupsionit. Berisha ù gjend i shokuar. Rama plotësisht dhe Meta (deri diku ) pranuan linjën amerikane të purifikimit shqiptar antikorrupsion me anë të instalimit të një pushtetit gjyqësor dinjitoz, që duhet të jetë me drejtësinë shqiptare dhe për drejtësinë e shqiptarëve”, shkruan Ngjela.
“Por Saliu ù mbyll në “bunkerin ” e tij bashkë me taborin abuzues. Ende nuk po dinë si të veprojnë. 5000 ushtarët rezultuan të ishin shurdhmemecë dhe duket se revolucioni i vjedhësve të shtetit nuk doli dot në akt. Sepse “Çeçoja nxori biçakun”, vijon ai më tej.
NDIQE LIVE "PANORAMA TV" © Panorama.al