“Bastard, s’më bëre dot asgjë”, Ermal Meta kujton të atin e dhunshëm: Kur e këndova për herë të parë…

SHPËRNDAJE

Vitin e shkuar fitoi zemrat e publikut të Sanremos me këngën “Vietato morire” një dedikim për mamanë dhe të shkuarën e familjes së tij. Ermal Meta vjet u rendit i treti por ai për të gjithë ishte fitorja morale e atij festivali.

ERMAL-META-FABRIZIO-MORO-1

Këtë vit u hodh në sulm dhe së bashkë me Fabrizio Moro triumfuan duke rrëmbyer çmimin e parë të festivalit më të rëndësishëm të këngës italiane.

Kënga “Non mi avete fatto niente” ka në thelb terrorizmin, por për herë të parë që e ka kënduar, këngëtari shqiptar, ka menduar për fëmijërinë e tij shumë të vështirë.

Ka qenë vetë Ermali, që e ka thënë këtë (sipas medias italiane), që e ka deklaruar. Ai ka pranuar se kjo këngë i ka kujtuar të atin e dhunshëm, por edhe ka dhënë mesazhin e fortë se ai nuk i ka bërë dot asgjë dhe nuk e ka penguar dot të bënte një jetë ashtu si ai e donte, të qetë. Sigurisht që nuk ka qenë e lehtë për Ermalit, por për të e shkuara është vullnet për të ecur përpara.

“Kjo këngë ju sjell ndër mend aspekte apo momente të jetës suaj private?”, ka pyetur një gazetare Ermal Metën gjatë një programi në Rai Uno.

Përgjigja e tij ishte e qartë dhe njëherësh tepër emocionuese: “Kur e kam kënduar për herë të parë më erdhi në mend fëmijëria ime. Doja të këndoja me forcë: Bastard, nuk me bëre dot asgjë”.

Nuk është hera e parë që Meta flet për raportin e tij shumë konfliktual me të atin e dhunshëm dhe se si ai i shkatërroi fëmijërinë.

Ermal Meta fiton Sanremon, fjalët e para pas triumfit: Çmimin ia kushtoj… (video)

Me çmimin në dorë, mes shumë duartrokitjeve, kantautori shqiptar, Ermal Meta nuk i ka fshehur emocionet.

meta1

“Është një emocion i papëshkrueshëm. Unë ia kushtoj këtë çmim shtëpisë sime diskografike, që ka besuar te unë atëherë kur askush tjetër nuk besonte”- tha Meta.

Kurse këngëtari tjetër, Farbizio Moro, ia kushtoi çmimin djalit që e ndiqte live nga salla.

Te lidhura

 

Artikulli paraprak'I paqëndrueshëm mendërisht', psikiatër e psikologë letër për shëndetin mendor të Trumpit: Nëse heshtim...
Artikulli tjetërAvramopulos mesazh të qartë Tiranës: Ulni numrin e atyre që abuzojnë me Schengen

1 KOMENT

  1. `Te lumte Ermal, sepse ne kete menyre, ke nderuar jo vetem veten, por edhe te gjithe bashkombasit e tu, aty ku pa dyshim, bej pjese edhe une.. `Je me te vertete, krenaria jone..

Comments are closed.