Ditën e nesërme, e hënë 25 janar, nis raundi i bisedimeve eksploruese midis Greqisë dhe Turqisë, në Stamboll.
Mediat greke shkruajnë se diplomatët grekë pritet të mbërrijnë në Turqi sot pasdite, ndërsa burimet diplomatike theksojnë se dita e nesërme është vendimtare, pasi do të na tregojë synimet e Turqisë dhe atmosferën që do të mbizotërojë në muajt e ardhshëm midis dy vendeve.
Thuhet se nëse pala turke vendos në tryezën e negociatave, çështje sfiduese përballë të drejtave që grekët kanë dhe kalohet vija e kuqe, është e qartë se dialogu nuk mund të vazhdojë.
Sidoqoftë, burimet thonë se Presidenti turk, Rexhep Tajip Erdogan ndoshta nuk do të kalojë kufijtë në marrëdhëniet Greko-Turke, pasi ai duhet të përballet me shumë fronte të brendshëm dhe ndoshta do t’i japë kohë zhvillimit të procesit hetimor.
Kujtojmë që të martën, 26 janar, një ditë pas takimit të zyrtarëve të Ministrisë së Jashtme Greke me homologët e tyre turq, Ministri i Punëve të Jashtme të Greqisë, Nikos Dendias, do të takohet në kryeqytetin belg me sekretarin e përgjithshëm të NATO-s, Stoltenberg. Ky i fundit si dhe zyrtarë të tjerë evropianë, u takuan të premten me Ministrin e Jashtëm turk, Tsavousoglu.
NDIQE LIVE "PANORAMA TV" © Panorama.al
