Granit Xhaka do të mungojë në ndeshjet e shtatorit për përfaqësuesen e Zvicrës pasi ka rezultuar pozitiv me COVID-19 që në ditët e para të grumbullimit me helvetët. Futbollisti shqiptar që është edhe kapiteni i Zvicrës, është një nga ata që refuzojnë të vaksinohen.
Një vendim që është kthyer në temë diskutimi së fundmi e ku është përfshirë edhe Zhoze Murinjo, Ky i fundit kërkoi gjatë verës pa shumë sukses që të afronte Xhakën te Roma, duke u dorëzuar kur u mësua se ai do të nënshkruante rinovimin me Arsenalin.
Por tekniku portugez nuk ka rezistuar pa i tërhequr veshin Xhakës kur ky i fundit ka postuar në rrjete sociale një foto. “Bëj vaksinën Grani dhe ji i sigurt”, shkruante Murinjo në mesazhin e tij, qartësisht duke iu referuar faktit se mesfushori refuzonte ta bënte një gjë të tillë.
PANORAMASPORT.AL
NDIQE LIVE "PANORAMA TV" © Panorama.al
