Gjykata e Tiranës ka vendosur të dënojë me 1 vit burg një 19-vjeçar, i cili është shpallur fajtor për disa vjedhje në të njëjtin supermarket. Bëhet fjalë për të riun me inicialet M.M..
Pasi kishte një javë që vidhte në të njëjtin market, menaxheri i marketit arriti që ta kapte vetë hajdutin së bashku me rojën e sigurisë. Në vjedhjen e fundit, M.M. u kap me dy pako çëmçakëza.
Sipas hetimeve, M.M. kishte disa ditë që shkonte në marketin në fjalë nga ora 8 deri në 10 të mëngjesit, duke vjedhur artikuj të ndryshëm. Këta artikuj, që më së shumti ishin pije alkoolike, ai i fshihte në brendësi të pantallonave. Kjo gjë ka vazhduar për disa ditë rresht dhe është fiksuar nga kamerat e instaluara në market.
Pas identifikimit nëpërmjet kamerave, rojet private të sigurisë kanë bërë të munduar kapjen e tij në brendësi të marketit. Për të përcaktuar vlerën e dëmit, është disponuar me vendim për kryerjen e ekspertimit vlerësues, ku nga akti përkatës rezulton se vlera dëmit të shkaktuar është në shumen 47,200 (dyzet e shtatë mijë e dyqind) lekë.
Në fund, pasi pranoi akuzën, Gjykata ia konvertoi në 16 muaj shërbim prove dënimin të riut.
NDIQE LIVE "PANORAMA TV" © Panorama.al
