Avokatja Dorina Prethi, ka folur në lidhje me abortin, çështje kjo e cila bën pjesë në projektligjin e fundit të qeverisë.
E ftuar në emisionin “Sintezë” në News24, avokatja tha se është pro jetës, por sipas saj e drejta për abort duhet të jetë ekskluzive e nënës, me babain që sipas duhet të japë mendim, por të kujdeset me shëndetit fizik dhe psikologjik të nënës.
Ajo shtoi se me uljen e moshës së marrëdhënieve seksuale ligjvënësit duhet të kenë parasysh këtë realitet sepse stafet mjekësore përballen me abortet e të miturve.
“Duke qenë një grua, avokate dhe besimtare e shoh si temë të vështira. Besoj se drejta e abortit duhet të jetë e drejtë ekskluzive e nënës. Çështja është që jemi në një shoqëri ku marrëdhëniet seksuale kanë zbritur në moshë. Kemi shifra dhe raste. Në këtë rast edhe ligjvënësit duhet të marrin parasysh rastet e aborteve sepse stafet mjekësore përballen me abortet e të miturve. Sigurisht që babait i takon të japë një mendim, të mbështesë jetën, por mbi të gjitha duhet të mbështesë shëndetin e nënës, i cili nuk është jo vetëm fizik, por edhe psikologjik”, u shpreh ajo.
NDIQE LIVE "PANORAMA TV" © Panorama.al