Mbledhja e jashtëzakonshme e qeverisë pas tërmetit të fuqishëm që lëkundi Shqipërinë, është shoqëruar me një moment të sikletshëm, kur anëtarët e kabinetit po raportonin live në orën 00:30 të mesnatës.
Në momentin që po raportonte ministri i Brendshëm, Sandër Lleshaj ka patur një lëkundje sizmike, ç’ka shihet edhe nga pamjet, por që ka lëkundur godinën e qeverisë.
Ministri Lleshaj është përpjekur të ruaj qetësinë, por nga lëkundjet dëgjohet të bien sende në tokë.
Ndërkohë që Lleshaj e ka kaluar me një batutë: “Po përpiqem të ruaj të mos më lëkundet zëri, se godina po lëkundet”.
Në sfond dëgjohet zëri i kryeministrit, i cili i ka kërkuar të vazhdojë raportimin.
