UPDATE/ Një aksident i rëndë u shënua mesditën e sotme në aksin Lushnje-Divjakë, si pasojë e të cilit humbën jetën dy persona.
“Panorama” ka mësuar se viktimat janë dy të rinj, Igli Çuni, 21-vjeç, banues në fshatin Korie të Divjakës dhe Justin Baba, 21-vjeç.
Të dy të rinjtë ishin duke udhëtuar me një motoçikletë në momentin e përplasjes me nje mjet fuoristradë tip ‘Benz’.
Sikurse shihet edhe nga pamjet, përplasja ka qenë ballore dhe shumë e fortë çka solli vdekjen e menjëhershme të dy të rinjve. Raportohet se një prej viktimave ka përfunduar poshtë urës, ndërsa tjetri ka mbetur në rrugë.
Ngjarja ndodhi rreth orës 15:10 min dhe sipas policisë dyshohet se shkak i aksidentit ka qenë shpejtësia tej normave të lejuara të drejtuesit te motorit dhe parakalimi i gabuar i tyre.
Djemtë kanë tentuar të bëjnë parakalimin mbi urë duke shtuar shpejtësinë e motoçikletës, por nuk kanë arritur dot sepse përball u përplasën me fuoristradën.
Policia ka shoqëruar në polici drejtuesin e fuoristrades shtetasin Arsen Sina, 51 vjeç për të sqaruar rrethanat e aksidentit.
LEXO EDHE:
Aksident në aksin Lushnjë-Divjakë/ “Benz”-i përplas motomjetin, ndërrojnë jetë dy persona
NDIQE LIVE "PANORAMA TV" © Panorama.al
