Ministri holandez i Shëndetësisë, Bruno Bruins është rrëzuar sot në Parlament, për shkak të lodhjes nga javët e ngarkuara nga kriza e koronavirusit.
56-vjeçarit i dhanë një gotë ujë dhe më pas u largua nga salla e Parlamentit.
“Ndihesha i dobët nga lodhja dhe javët intensive të punës. Ndihem mirë tani. Do shkoj në shtëpi të pushoj këtë mbrëmje dhe nesër do kthehem sërish për të luftuar krizën e koronavirusit,”- shkroi ai në mediat sociale.
Bruins është zyrtari më i lartë i Shëndetësisë në Holandë ku numri i rasteve të konfirmuara me virusin vdekjeprurës është rritur në 2051 ndërsa numri i të vdekurve ka shkuar në 58.
Qeveria holandeze urdhëroi mbylljen e të gjitha shkollave, bareve, restoranteve, klubeve të striptizmit dhe kafeneve të kanabisit për të frenuar përhapjen e koronavirusit.
