Eraldo Çinari e ka nisur me një asist sezonin e tij të parë në kampionatin turk, ku luan në kategorinë e dytë me fanellën e Samsunspor. Sulmuesi shqiptar ka bërë debutimin sot në sfidën ndaj Balikesirspor dhe ka dhënë kontributin e tij me një asist në pjesën e dytë.
I lënë në stol në fillimin e takimit, ish-sulmuesi i Vllaznisë dhe Partizanit u aktivizua në minutën e 61-të të sfidës,. Vetëm 6 minuta më vonë, ai u bë protagonist me një aksion spektakolar në krahun e djathtë.
Ai dribloi në vend një kundërshtar e më pas nisi një top perfekt për Oztekin i cili me kokë çoi shifrat në 3-1 duke plotësuar edhe tregolëshin personal në këtë sfidë.
PANORAMSPORT.AL
NDIQE LIVE "PANORAMA TV" © Panorama.al
