“Panorama” zbulon votimin për VKM-në e fundit për blerje të energjisë elektrike. Sipas burimeve, mësohet se kjo VKM ka kaluar me shumicë të thjeshtë ditën e djeshme.
Mirëpo, ajo ka kaluar edhe me votat pro të tre ministrave teknikë të PD-së, ndërsa katër prej tyre kanë votuar kundër.
Ata që kanë qenë kundër janë zv/kryeministrja Mandija, ministri i Drejtësisë, Gazmend Bardhi, ministrja e Mirëqenies Sociale, Kërtusha dhe ministrja e Financave, Helga Vukaj.
Ndërkohë, pro kësaj VKM-je kanë votuar, ministri i Brendshëm, Dritan Demiraj, ministrja e Arsimit, Mirela Karabina dhe ministri i Shëndetësisë, Arben Beqiri.
VKM-ja në tërësi është votuar me 12 vota, ku 9 prej të cilave janë nga PS. VKM-të për blerjen e enegjirsë elektrike janë kritikuar gjatë nga opozita, për shkak të çmimit me të cilin blihet ajo.
NDIQE LIVE "PANORAMA TV" © Panorama.al
