Kryetari i Partisë së Lirisë, Ilir Meta ka përshëndetur votimin e Asamblesë Parlamentare që i hap rrugë anëtarësimit të Kosovës në KiE.
Ilir Meta thotë se ky është një vendim historik dhe ditë e madhe për Kosovën, ndërsa thekson se “disa faqezinj u përpoqën ta pengojnë! Por dështuan, dhe prapë do të dështojnë!”
Reagimi i Ilir Metës
URIME KOSOVË! ❤️🇽🇰
Një vendim historik dhe ditë e madhe për Kosovën, vota në favor të aplikimit për t’u bashkuar me Këshillin e Europës.
Plotësisht e merituar dhe çertifikim i arritjeve të shkëlqyera, që e kanë bërë Kosovën një shembull në rajon për demokracinë funksionale, sundimin e ligjit dhe respektimit të të drejtave të njeriut, faktor paqeje dhe stabiliteti.
Faleminderit të gjithë deputetëve të Asamblesë Parlamentare të KiE që votuan sot pro anëtarësimit të Kosovës në Këshillin e Europës!
Disa faqezinj u përpoqën ta pengojnë! Por dështuan, dhe prapë do të dështojnë!
NDIQE LIVE "PANORAMA TV" © Panorama.al
