Sot shënohet 109-vjetori i lindjes së Sabiha Kasimatit, biologes dhe shkencëtares së parë shqiptare e cila u pushkatua në vitin 1951 pas ngjarjes së shpërthimit të bombës në ambasadën sovjetike.
Deputetja e PD-së, Jorida Tabaku përmes një postimi në Facebook, shkruan se jeta e saj është një shembull përkushtimi dhe tragjedia që kaloi na kujton se si regjimet vrasin dijen dhe guximin.
Tabaku thotë se Kasimati hodhi themelet e shkencës modern në kombin tonë dhe duhet të kishte një vend më të madh në shoqërinë tonë.
Postimi i plotë i Jorida Tabakut:
Perkujtojmë sot 109 vjetorin e lindjes së zonjës së nderuar Sabiha Kasimati. Shkencëtares së parë zonjë. Jeta e saj është një shembull përkushtimit dhe tragjedia që ajo kaloi shembull se si regjimet vrasin dijen dhe guximin.
Përkushtimi saj, dashuria karshi vendit dhe shkencës janë shembull i forcës që një zonjë ka për të hedhur themelet e shkencës moderne në kombin tonë. Ajo duhet të kishte një vend edhe më të madh në shoqërinë tonë.
Jeta e saj dhe mbi të gjitha vepra janë tregues për rolin e zonjave dhe grave në shkencë e shoqëri. Një shembull që shpesh ua kujtoj fqmijëve të mi, sidomos vajzave që sot kuptojnë dhe dëgjojnë më me kujdes. I përhershëm qoftë kujtimi nderuar për shkencëtaren zonjën Sabiha Kasimati.
NDIQE LIVE "PANORAMA TV" © Panorama.al
