GRAZIA   Union Bank  
Lotaria Kombetare
 
Home » Ekonomi » Tiranë-Elbasan, firmoset pakti

Tiranë-Elbasan, firmoset pakti

  • Albanian
  • English
  • French
  • German
  • Italian
Qeveria ka siguruar pjesën më të madhe të parave që i nevojiten për të ndërtuar autostradën Tiranë-Elbasan, së bashku me tunelin, përmes një kredie me Bankën Islamike për Zhvillim (IDB).Ministria e Financave nënshkroi dje marrëveshjen me këtë bankë, ku i pranishëm ishte presidenti i saj, Ahmed Mohamed Ali, i ftuar për vizitë nga qeveria shqiptare. Kredia prej 222.7 milionë dollarësh ka një afat maturimi 17–vjeçar dhe me një interes në total prej 5 përqindësh, ku për tre vitet e para të shlyerjes ky interes nuk do të paguhet. Ministri i Financave, Ridvan Bode, u shpreh dje se kjo marrëveshje kredie përbën një nga marrëveshjet me shumën më të madhe të nënshkruar me një bankë të vetme, siç është IDB. “Ky financim përbën mbulimin me fonde të njërës prej veprave më të rëndësishme të mandatit të dytë të qeverisjes, segmentit Tiranë – Elbasan, pjesa kryesore e aksit kombëtar të Jugut”, tha Bode. Por Shqipëria nuk mund ta ndërtojë rrugën vetëm me këtë kredi dhe pjesën tjetër ta financojë vetë, prandaj është në bisedime me të tjerë donatorë. Rruga në total ka një kosto mbi 400 milionë dollarë dhe pritet që një pjesë e mirë e këtyre parave të sigurohen nga donatorë të tjerë, të cilët do të ndërmjetësohen nga Banka Islamike për Zhvillim. Një kërkesë i është bërë Fondit të Abu Dhabit për një financim prej 100 milionë dollarësh, po kështu edhe Fondit Saudit për Zhvillim, me një shumë mes 15-25 milionë dollarë. Të fundit që i është bërë kërkesë për financim është Fondi OPEC, në shumën 15-25 milionë dollarë. Pjesa që mbetet do të financohet nga buxheti i shtetit. Ministri i Financave, Ridvan Bode, shpjegoi dje se nga kredia me IDB-në do të financohen 3 segmente kryesore. Behët fjalë për segmentin nr. 1, me një gjatësi 13 kilometra dhe që fillon nga Unaza e Tiranës deri në hyrjen e tunelit, që përfshihet në projekt. Segmenti 2, i cili përfshin ndërtimin e dy tuneleve të ndara dhe me dy drejtime të lëvizjes, me gjatësi secila prej 2.1 km dhe 2.3 km dhe gjatësi mesatare prej 2.2 km dhe që po ashtu do të financohet nga kjo kredi. Po kështu edhe segmenti 3, i cili ka gjatësi 10.8 km, që fillon në daljen e tuneleve në kilometrin e 15-të dhe përfundon në kilometrin 26, në hyrje të qytetit të Elbasanit. 100 milionë dollarë financim i janë kërkuar Fondit të Abu Dhabit, që, në rast se do të miratohen, do të shkojnë për ndërtimin e autostradës Tiranë-Elbasan, e cila do të përgjysmojë largësinë mes dy qyteteve. 25 milionë dollarë Deri në këtë limit i është bërë kërkesë për financim Fondit Saudit për Zhvillim dhe Fondit të OPEC-ut për autostradën Tiranë-Elbasan. Vlera e kërkuar nga qeveria varion nga 15-25 milionë dollarë. 400 milionë dollarë llogaritet të jetë kostoja totale e ndërtimit të autostradës Tiranë-Elbasan, e cila do të ketë në përbërje edhe dy tunele. Njëkohësisht projekti përfshin edhe kryqëzime në disnivel, siç është ai në Mullet. 83 milionë dollarë do të kushtojë ndërtimi i tunelit të Kërrabës, pjesë e autostradës. Kjo ishte vlera e ofruar nga kompania greke “AKTOR” për ndërtimin e kësaj vepre, oferta më e ulët në tender dhe që u shpall fituese. 31.5 kilometra e gjatë do të jetë autostrada Tiranë-Elbasan, sipas projektit që do të zbatohet. Përgjatë saj janë edhe dy tunele, një me gjatësi 2.1 kilometra dhe 2.3 kilometra. Aktualisht rruga Tiranë-Elbasan është 55 km.   NERTILA MAHO

AMC

Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Panorama Online. Moderatori

Beni nje Koment

  • Facebook
  • Twitter
  • YouTube
  • Linkedin
  • RSS


Gazeta Panorama Alexa toolbar



Showbiz

Lifestyle

Teknologji

Kuriozitete

© 2015 Gazeta Panorama ONLINE. All Rights Reserved.   Programuar nga: ikoncept Privacy