Ardian Çapja dyshohet se është personi i cili ka qenë shënjestër i të shtënave me armë zjarri në Elbasan këtë të hënë, raporton Panorama. Ai ndodhet në spital nën kujdesin e mjekëve e aktualisht i është nënshtruar një ndërhyrje kirurgjikale. Por familjarët e tij nuk kanë dhënë këtë version. Në spital për uniformat blu kanë deklaruar se ai është rrëzuar në shtëpi dhe është lënduar. Ngjarja ka ndodhur në lagjen e quajtur Kraste. Banorët në zonë kanë raportuar për të shtëna me armë zjarri dhe shumë pranë banesës ku jeton Ardian Çapja ka marrë flakë një mjet që nga të dhënat e policisë mësohet se ka pasur targa false. Dyshohet se makina e djegur është e autorit të ngjarjes. “Në spital ka shkuar një person i dëmtuar i identifikuar si Ardian Çapja, cili është në sallë operacioni aktualisht. Kur ka shkuar policia të marrë detaje, familjarët kanë deklaruar se ai është lënduar pasi është rrezuar në banesë por nuk flasin për të shtëmna me armë”, raportoi News24. Panorama mëson se përveç forcave të shumta të Policisë lokale, edhe RENEA po i drejtohet Elbasanit për hetimet dhe kërkimet e autorit/autorëve Elbasan/Informacion paraprak Më datë 08.06.2020, rreth orës 09.37, në urgjencën e spitalit Elbasan, është paraqitur per ndihmë mjeksore shtetasi A.Ç.,rreth 55 vjeç, banues ne lagjen “Emin Matraxhiu”, Elbasan, dyshohet i plagosur me armë zjarri. Policia po punon për sqarimin e rrethanave të ngjarjes. LEXO EDHE