Ministri i Brendshëm Taulan Balla ka publikuar pamje nga operacioni i SPAK, ku janë lëshuar dhjetëra urdhër arreste pas zbardhjes së disa ngjarjeve kriminale.
Në video shihen forcat RENEA që mësyjnë në vilat e personave të shpallur në kërkim, e madje duke u ngjitur me shkallë.
Ndërkohë ministri i Brendshëm, Taulant Balla thotë se lufta kundër krimit të organizuar është e pandalshme dhe po jep rezultat.
“Lufta kundër krimit të organizuar falë bashkëpunimit me SPAK dhe agjencitë e tjera ligjzbatuese, si dhe vetëpastrimi i Policisë së Shtetit nga punonjësit e Policisë të lidhur me ta, janë të pandalshme dhe po japin rezultate për rritjen e parametrave të sigurisë në komunitet, krijimin e një trupe policore të denjë dhe me integritet si dhe për rritjen e besimit të qytetarëve tek Policia e Shtetit. Besimi i qytetarëve është elementi kyç që Policia të përmbushë misionin e saj”, shkruan Balla.
NDIQE LIVE "PANORAMA TV" © Panorama.al