Presidenti i “HB Group” dhe “Birrës Korça”, Irfan Hysenbelliu ishte i pranishëm në festën e Birrës në Korçë. Në një prononcim për News24, ai u shpreh se shqiptarët dhe qytetarët korçarë tashmë kanë fituar traditën.
Ai deklaroi se tashmë kjo është ‘Festa e Birrave’, pasi në të nuk merr pjesë vetëm Birra Korça, por edhe birra të tjera.
Tradita e festës së Birrës Korça, u shpreh Hysenbelliu do të vazhdojë, pasi nuk e lënë qytetarët që të ndërpritet.
Teksa foli për një vit të vështirë, për shkak të pandemisë, Hysenbelliu tha se jeta është e tillë që duhet të përballohet.
“Shqiptarët dhe qytetaret korçarë kanë fituar traditën. Kjo është kthyer në traditë dhe sa vjen dhe rritet. Çdo vit rritet me 30%. Njëkohësisht qyteti i Korçës fiton turizmin. Shumë qytetarë korçarë kanë hapur dyert e shtëpive.
Kjo është kthyer një feste e traditës, ku nuk merr pjesë vetëm birra Korça, por marrin pjesë edhe birra të tjera. Dmth kjo është festa e birrave.
Kjo traditë do të vazhdojë çdo vit. Edhe nëse duam ne nuk e ndalojmë dot, sepse nuk na lënë qytetarët.
Viti që kaluam ishte i vështirë, ishte një vit që shqiptarët dhe gjithë bota e vuajtën, por ja që jeta është e tillë që duhet ta përballojmë dhe jeta vazhdon duke qenë njerëzit të gëzuar”, u shpreh Presidenti i “HB Group” dhe “Birrës Korça”.
Ai sqaroi edhe praninë me Sekretarin e PS, Taulant Balla: “Dua të them që natën e parë erdhëm së bashku me mikun tim Taulant Balla. Ne kemi një lidhje familjare dhe e vlerësoj që mori pjesë në këtë festë”.
NDIQE LIVE "PANORAMA TV" © Panorama.al