Policia Rrugore, gjatë kontrolleve të ushtrara në 48-orët e fundit në të gjitha akset rrugore të vendit, ka arrestuar në flagrancë 26 drejtues mjetesh, si dhe ka pezulluar 82 leje drejtimi, për mosrespektimin e rregullave të qarkullimit.
Prej 26 personave të arrestuar, 10 prejt tyre janë kapur teksa drejtonin mjetin pa leje drejtimi, ndërkohë që 16 të tjerët janë evidentuar teksa drejtonin makinën në gjendje të dehur.
Për sa i përket 82 lejeve të drejtimit të hequra, 51 janë për tejkalim shpejtësie mbi normat e lejuar, 25 për drejtim të mjetit nën efektin e alkoolit dhe 6 për qarkullim në sens të kundërt.
Policia apelon ndaj të gjithë drejtuesve të mjeteve të repektojnë rregullat e qarkullimit rrugor gjatë fundjavës, sepse në të kundërt ekipet e punonjësve të policisë në terren, të vendosur në pika kyçe turistike, do të marrin masat e nevojshme administrative dhe penale ndaj tyre.
Policia e Shtetit
Fundjava/Intensifikohen kontrollet dhe monitorimi i qarkullimit të automjeteve, duke përdorur radarë, dronë, mjete të pauniformuara, kamera, aparate fotografike dhe alkooltestues.
Shërbimet e Policisë Rrugore në të gjithë vendin vijojnë kontrollet intensive duke përdorur gjithë bazën logjistike, si dhe duke kombinuar shërbimet me ato të Patrullave të Përgjithshme dhe forcat “Shqiponja”, me qëllim parandalimin e aksidenteve rrugore.
Gjatë 48 orëve të fundit janë evidentuar dhe ndëshkuar 2123 drejtues mjetesh, për shkelje të ndryshme që janë rrezik potencial për përfshirje në ngjarje rrugore.
Në të gjithë vendin janë konstatuar dhe arrestuar 26 drejtues mjetesh, nga të cilët 16 për drejtim mjeti në gjendje të dehur dhe 10 për drejtim mjeti pa leje drejtimi.
- Janë pezulluar 82 leje drejtimi, nga të cilat 51 për shpejtësi mbi normat e lejuara, 25 për drejtim mjeti nën efektin e alkoolit dhe 6 për qarkullim në sens të kundërt.
- Janë vendosur 279 masa administrative me vlerë deri në 4.000 lekë të rinj, për shpejtësi tej normave të lejuara dhe 76 masa administrative me vlerë 5.000 lekë të rinj (pa masën plotësuese të pezullimit të lejes së drejtimit), për drejtim mjeti nën efektin e alkoolit.
Policia e Shtetit, nisur nga fakti se në fundjavë akset rrugore në drejtim të zonave bregdetare dhe turistike kanë fluks të shtuar, ka marrë masa shtesë për të monitoruar qarkullimin e automjeteve.
Policia e Shtetit apelon për të gjithë përdoruesit e rrugës në tërësi, veçanërisht drejtuesit e mjeteve, motomjeteve dhe çiklistët, që të tregojnë kujdes dhe të zbatojnë me rigorozitet rregullat e qarkullimit rrugor, pasi gjatë fundjavës lëvizjet në disa akse rrugore janë më të shtuara.
Të gjitha rrugët nacionale dhe urbane në të gjithë vendin janë të monitoruara me patrulla të lëvizshme të Policisë Rrugore, duke përdorur radarë, dragera, dronë, makina të paloguara, kamera e aparate fotografike.
Policia e Shtetit fton qytetarët që të denoncojnë në Komisariatin Dixhital dhe në numrin e emergjencave 112, çdo paligjshmëri.
NDIQE LIVE "PANORAMA TV" © Panorama.al
