Një operacion mes policisë së Elbasanit në bashkëpunim me Forcat e Ndërhyrjes së Shpejtë pranë stacionit të trenit vendosën në alarm qytetarët në zonë.
Ende pa kaluar paniku i sa martës ku nga shkëmbimi me armë zjarri mbeti i plagosur i shumë kërkuari i policisë Nuredin Dumani banorët njoftuan sallën operative për përplasje dhe të shtëna në lagje.
Përtej panikut të krijuar, zyrtarisht policia e Elbasanit bën me dije se në operacionin e bluve nuk janë regjistruar të shëna dhe se deri tani policia ka shoqëruar një person të armatosur me armë zjarri pistoletë .
Të njëjta burime shtojnë se operacioni i policisë është duke vijuar ndërsa pritet të bëhen publike detaje të tjera dhe identiteti i të ndaluarit.
“Në Elbasan nuk ka të shtëna me armë, por është në operacion Policia e Elbasanit në bashkëpunim me FNSH, deri tani është kapur një person i armatosur me armë zjarri pistoletë, te stacioni trenit në Elbasan dhe është shoqeruar, po vijon operacioni e kontrollet” – njofton policia.
NDIQE LIVE "PANORAMA TV" © Panorama.al
