Goleadori i Bajern Mynih, Herri Kejn, do të këtë detyrën kryesore kundër Arsenalit për të shënuar dhe udhëhequr ekipin përpara. Ndeshja e parë mes “topçinjve” dhe bavarezëve u nda na barazim, çka i shton akoma më tepër dozat e rivalitetit mes tyre.
Interesante është se Kejn ka nuhatje të frikshme në portën e Arsenalit, 15 gola pas 20 ballafaqimesh, përfshi këtu edhe periudhën kur futbollisti 30- vjeçar inkuadrohej me Totenhemin. Në vigjilje të çerekfinales, Herri përmes zonës së prononcimeve për media, ka hapur “zjarr” kundër rivalit të sotëm, duke pohuar se ata nuk e kanë parë ende Bajernin e vërtetë.
TROFETË – “Çdo lojtar dhe klub dëshiron të fitojë trofe, ky është qëllimi në futboll, sikurse sigurimi i të ardhurave. Tifozët presin që ne të triumfojmë në shumë fonte, por jo gjithçka ka shkuar siç duhet. Ama nuk ka arsyeje të ndihemi inferiorë në Ligën e Kampionëve. Gjithçka është e hapur. Rezultati i ndeshjes së parë nënkupton se shanset janë 50-50. Gjithsesi, jam totalisht i bindur se mbështetja e zjarrtë në shkallët e ‘Allianz Arenës’ ka për të dhënë efekt në arritjen e objektivit, kalimin në fazën tjetër”.
RIVALI – “Duelet kundër Arsenalit më kanë shijuar më shumë sesa kundër çdo kundërshtari tjetër, mbase kjo për faktin se kam qenë për një periudhë të gjatë pjesë e Totenhemit. Rivaliteti në Angli është shumë i madh. Ende nuk e kam harruar të shënoj kundër tyre, më motivon dyfishi për të dhënë më të mirën. E realizova me sukses në takimin e parë, tashmë pres akoma më shumë”, tha i entuziazmuar Kejn.
KRAHASIMI I LIGAVE – “Bundesliga ka rezultuar përvojë e jashtëzakonshme në spektrin individual. Në plan të parë mund të jap idenë se është e lehtë të shënosh, por s‘është aspak e vërtetë. Mjaftoni t’i referohemi rivalitetit. Leverkusen zhvilloi një sezon fantastik. Ata ishin të pandalshëm dhe e fituan tiullin me meritë. Nuk mund të neglizhohet Shtutgarti. Premier Liga më duket disi më ndryshe. Këtu futbolli është shumë taktik dhe kërkon përgatitje të lartë”.
ECURIA – “Ka qenë sezon zhgënjyes në Bundesligë, krahas pritshmërive. Mbase mund t’i kishim menaxhuar më mirë disa ndeshje, dhe lufta me Leverkusen do të zhvillohej më e hapur, por fjalët janë të kota tashmë. Mos të harrojmë kur ndodhemi dhe cili është objektivi. Akoma nuk e keni parë Bajernin e vërtetë. Unë stërvitem çdo ditë me këtë kontingjent dhe besoj se i kemi të gjitha aftësitë për t’u ndeshur me më të mirët. Prandaj besoj fort se do t’i shkojmë deri në fund”, e mbylli Herri Kejn.
SAIMIR MBËRSI-PANORAMASPORT.AL
NDIQE LIVE "PANORAMA TV" © Panorama.al
