Ish-trajneri i Kombëtares italiane të futbollit Marcello Lippi ka vlerësuar suksesin e arritur nga trajneri Giani De Biazi me kuqezinjtë e Kombëtares shqiptare të futbollit si një arritje historike që “ne italianët mund ta bëjmë’.
Shtypi italian ka komentuar gjerësisht kualifikimin e Shqipërisë në ‘Euro 2016’ si dhe aktivitetet që shoqëruan Kombëtaren pas suksesit të arritur në Armeni.
Agjencia e lajmeve ‘Ansa’ shkruan se Lippi i ka bërë elozhe trajnerit të Kombëtares shqiptare për kualifikimin historik të Shqipërisë.
“Giani De Biasi ka bërë një punë të jashtëzakonshme që askush besonte se ishte e mundur. Nuk ke ç’ti bësh, trajnerët italianë kanë diçka më shumë se të tjerët”,-ka thënë për mikrofonat e Rait “RadioDue”, ish-kampioni i Botës në vitin 2006, Marcello Lippi.
NDIQE LIVE "PANORAMA TV" © Panorama.al
