Ambasadorja amerikane në Shqipëri Yuri Kim ka zhvilluar sot një takim me kreun e Komisionit Shtetëror të Zgjedhjeve Ilirjan Celibashi.
Mësohet se takimi zgjati një orë, dhe vjen afro dy muaj para zgjedhjeve parlamentare të 25 prillit.
Diskutimet mes tyre janë fokusuar te përgatitja e zgjedhjeve. Ambasadorja dhe kreu i KQZ-së diskutuan mbi identifikimin elektronik të zgjedhësve.
Takimi vjen në një kohë kur në protokollin e KQZ do të nisë depozitimi i listave të kandidatëve për deputetë për zgjedhjet parlamentare të 25 prillit.
Sjellim në vëmendje po ashtu që ambasadorja Yuri Kim u ka dërguar gjatë javëve të fundit mesazhe partive politike që të filtrojnë kandidatët për deputetë, duke garuar me figura të pastra siç e meritojnë shqiptarët.
NDIQE LIVE "PANORAMA TV" © Panorama.al
