Një 49-vjeçar është gjetur pa shenja jete nga familjarët e tij, në ujërat e lumit Buna, në afërsi të fshatit Pentar.
Tri ditë më parë, 49-vjeçari ishte denoncuar i zhdukur nga vëllai i tij.
Nga këqyrja paraprake e trupit nuk janë konstatuar shenja dhune.
Njoftimi i policisë:
Shkodër/Informacion paraprak
Rreth orës 11:25, në ujërat e lumit Buna, në afërsi të fshatit Pentar, është gjetur nga familjarët, trupi i pajetë i shtetasit Sh. K., 49 vjeç.
Nga këqyrja paraprake e trupit nuk janë konstatuar shenja dhune.
Më datë 13.04.2024, shtetasi G. K., vëllai i shtetasit Sh. K., ka kallëzuar në Polici, se 49-vjeçari ishte larguar nga banesa.
Grupi hetimor, në drejtimin e Prokurorisë, vijon punën për sqarimin e rrethanave të rastit dhe për përcaktimin e shkakut të humbjes së jetës.
NDIQE LIVE "PANORAMA TV" © Panorama.al
