Huan Kuadrado ishte një ndër lojtarët më të mirë për Juven, sepse i rikthyer në sulm ka rritur shpejtësinë, paparashikueshmërinë dhe egërsinë e skuadrës. Asisti i tij për golin e Ronaldos mund të dukej i lehtë, por nuk ishte i tillë, madje pati edhe dyshime për pozicion jashtë loje, por VAR-i konfirmoi se gjithçka ishte e drejtë:
“Asisti fluturimthi për Ronaldon ishte diçka që e kishim provuar në stërvitje. Punojmë me detaje dhe dje e bëmë realitet këtë episod, sapo pashë që Ronaldo po sulmonte zonën. Ishte një aksion vërtet i bukur”.
Ndeshjen e radhës ju pret muzika e Champions-it…
Kemi shumë besim se jemi një skuadër e madhe dhe në Lion duhet të shkojmë pikërisht duke e besuar këtë që them. Madje, jo vetëm ndihemi dhe jemi të fortë, por do të shkojmë në këtë transfertë për të fituar dhe për ta mbyllur që aty çështjen e kualifikimit.
Mos ndoshta keni nevojë për pak pushim? Jo, mua më pëlqen të luaj gjithmonë. Dhe mbi të gjitha duhet të nisim të mësohemi me faktin se tashmë na presin 3 ndeshje në javë.
Mendon se Juves i mungon pak agresivitet?
Duhet të përshtatemi me skemat e reja, pasi nuk i kemi shkrirë ende disa ide lëvizjesh që kemi mbartur nga trajneri i mëparshëm. Më e rëndësishme është që të nisim të jemi më kompaktë në mbrojtje e mesfushë dhe shumë shpejt të gjithë do ta shohim Juven perfekte.
/PANORAMASPORT.AL/
NDIQE LIVE "PANORAMA TV" © Panorama.al