UPDATE/ Në vijim të Operacionit për “ Kontrollin cilësor, sasior e fiskal të hidrokarbureve” , që ka nisur që para dy ditesh, gjatë ditës së sotme janë kontrolluar 13 subjekte në, Berat , Kuçovë e Fier – Shegan.
Policia e Shtetit ben me dije se sot janë proceduar penalisht për fshehje të ardhurash 5 subjekte. Ndersa nga Tatimet u bllokuan 2 subjekte tregtimi karburantesh.
Sakaq, ne nje njoftim te meparshem, Policia njoftoi se katër persona janë vënë në pranga nga Sektori i Krimit Ekonomik Financiar në Fier, për kontrabande me karburantet.
Arrestimi i tyre është bërë në vijim të operacionit në fushën e hidrokarbureve, në bashkëpunim dhe me Doganën dhe Tatimet, pas kontrollit që u ushtrua ndaj 8 subjekteve.
Në përfundim të operacionit u arrestuan në flagrancë për “kontrabandë me mallra që paguhet akcizë”, “fshehje të të ardhurave” dhe “mospagim të taksave e tatimeve”, shtetasit Armand Gremi, Andrea Tomori, Mihallaq Bubullima dhe Vezir Çepele.
Policia bën me dije se janë shpallur në kërkim shtetasit A. I dhe Y. X.
NDIQE LIVE "PANORAMA TV" © Panorama.al