Presidenti i FSHF-së, Armand Duka, komentoi atmosferën dhe situatën e Kombëtares, teksa ishte i ftuar në emisionin “Pressing”.
Duka foli për këtë edicion të Kombëtares në eliminatoret e Europianit, si dhe për vendin e katërt në grup të Shqipërisë.
STADIUMI I RI – Jam i kënaqur që e arritëm stadiumin. Vepra do i shërbejë të gjithëve. Të gjithë ishin të lumtur, jam dhe unë i lumtur. Do ishte më mirë të merrnim edhe një rezultat më të mirë.
EDICIONI – Kishte momente të mira, angazhim maksimal, por kishte edhe momente jo të mira. Dy ndeshjet e fundit ishte mungesë përqendrimi për skuadrën. Dhe dje në pjesën e parë, ndaj Francës, ekipi nuk ishte shumë agresiv, ishte disi i plogësht. Sikurse pati edhe dy ndeshje shumë të mira në Turqi dhe Moldavi. Ndonjëherë, trajneri mendon se ka vënë më të mirët në fushë, por pas ndeshjes mund edhe të ketë gabuar. Normale, jo të gjithë dalin kampionë. Edhe po ta kthesh kohën, trajneri përsëri do fuste të njëjtët lojtarë.
ME PANUÇIN – Tifozët kanë qenë gjithmonë pas Kombëtares. Ai që e mbështet, nuk e lidh me rezutlatet.
VENDI I KATËRT – Nëse do ishte më lart do ishte më mirë, por nuk e quaj dështim të jesh pas Francës, Turqisë dhe Islandës. Jemi diku në mes në grup, por edhe në klasifikimin e përgjithshëm. Fakti që Shqipëria nuk diskuton më ekipe si Moldavia, apo të gjysmës së Europës, është diçka e mirë. Është objektiv të synosh të mundësh skuadra më të mëdha, por jo çdo objektiv arrihet, apo të dalësh i pari apo i dyti në grup.
KONTRATA E REJAS – Në fakt nuk i kam lexuar deklaratat e Rejës, nuk kam biseduar as sot me të. Para ndeshjeve, e kam thënë se asgjë nuk është perfekte. Nuk mund ta kërkojmë as te Reja. Nëse bëjmë bilancin e asaj kohe që ka punuar, peshorja është pozitivisht. Nuk dua të ngurroj të them, se në dy paraqitjet e fundit, ka përgjegjësi edhe trajneri. Me aq eksperiencë sa ka, nuk duhet të na lejonte ta nënvlerësonim Andorrën. Duhet ta motivonte ndryshe ekipin. Kjo nuk e çon peshoren në anën negative, por qëndroj te mendimi pozitiv, te para dy ndeshjet. Do ulem për të diskutuar të ardhmen me të. Patjetër që kam lëkundjet e mia në momente emocionale. Kur mbaron ndeshja pas një rezultati negativ, shkarkon jo vetëm Rejën, por çdokënd që ke përpara. E mira është që në ato momente të ftohesh, të shkosh në shtëpi, dhe të gjykosh më pas me ftohtësi. Humbja mbrëmë nuk ka të njëjtën peshë me barazimin me Andorrën. Duke pasur parasysh mbështetjen në stadiumin e ri, mendova ndonjë rezultat pozitiv, por nuk ndodhi ashtu. Unë përveçse jam tifoz, kam edhe përgjegjësinë e drejtimit të Federatës. Gri bëhet çdo tifoz pas një rezultati negativ. Tek unë, ai zhgënjim është dopio, dhe bëhem dopio gri. Ata që e ndjejnë futbollin janë në të njëjtën situatë. Nuk vendos, sepse deri dje kemi qenë një palë. Tani jemi dy palë, pasi atij i ka mbaruar kontrata. Do ulemi të diskutojmë për një kontratë të re, kontratë pozitive. Peshorja është pozitive, dhe do i propozojmë të vazhdojmë. Shpresoj të jetë lajmi ky.
RASTET DISIPLINORE – Nuk kemi pse ndërhyjmë në momente të tilla. Do e marrësh njëherë atë vendim, kur merr trajnerin. Nëse do hysh në punën e trajnerit, nuk vlerëson punën e tij. Duhet t’i marrë vetë vendimet. Nëse ne marrim pjesë në zgjedhjen e lojtarëve, apo të formacionit dhe ndërrimeve, kjo nuk të lejon të gjykosh mbi të në fund, apo mbi stafin. Jo Reja, që është ekspert, por çdo trajner i konsulton me stafin teknik, dhe nuk ka pse i konsulton me stafin e Federatës. Ky është rregull që duhet të ndiqet edhe nëpër klube, për sa kohë nuk kanë përgatitjen e tillë. Ne nuk duhet të humbim asnjë lojtar, por duhet të fitojmë skuadër.
ÇMIMET E BILETAVE – Një federatë që administrohet vetë, duhet të mendojë edhe organizimin e garës, që është shumë e shtrenjtë. Niveli ekonomik i vendit mund të jetë i tillë, që mund të subvencionohet nga të tjerë, por ne e kemi shumë të shtrenjtë të organizojmë. Dikush thotë mos shit emrin e stadiumit, dikush thotë të mos shesë bileta me këto çmime, por nëse na japin paratë, le të na i japin, ose të tregojnë çfarë kanë bërë.
ÇMIMET E BILETAVE – Një federatë që administrohet vetë, duhet të mendojë edhe organizimin e garës, që është shumë e shtrenjtë. Niveli ekonomik i vendit mund të jetë i tillë, që mund të subvencionohet nga të tjerë, por ne e kemi shumë të shtrenjtë të organizojmë. Dikush thotë mos shit emrin e stadiumit, dikush thotë të mos shesë bileta me këto çmime, por nëse na japin paratë, le të na i japin, ose të tregojnë çfarë kanë bërë.
TRAJNER SHQIPTAR – Sipas meje, është koha që një trajner të jetë shqiptar në krye të Kombëtares, por nuk i heq mundësinë asnjë kombësie tjetër. Kemi trajnerë shqiptarë të përgatitur, por teksa kemi filluar këtë projekt, nuk është profesionale ta ndërpresësh. Është më mirë që të jetë më i brendshëm, dhe ta njohë më mirë ekipin. Në afatshkurtër është e vështirë të marrësh rezultat. Edhe De Biazit iu desh kohë të marrë rezultat, të njohë mentalitetin, ekipin. Ky është koncepti im për trajnerët.
ADMINISTRATA – Ato që punojnë në federatë, janë më të mirët që punojnë. Janë profesionistë dhe të përkushtuar. Nëse do shkonit në stadium këto ditë, e kishit edhe natën atë grup. I kam zili, në krahasim me administratën e bizneseve të mia.
FINANCAT E KLUBEVE – Klubet duhet të ruajnë balancat, dhe të shpenzojnë sa fitojnë. Ka mundësi që një klub të jetë me bilanc pozitiv, dhe të mos bëjë blerje aq sa nuk i përballon dot. Nëse nuk mund të jetë në Superiore, mund të luash edhe më poshtë në kategori. E rëndësishme është që të ketë lëvizje sportive në atë qytet. Rëndësi ka që të luajnë fëmijët në qytet, dhe kjo ka më shumë rëndësi se të blesh një të huaj. Ka edhe klube të tjera, që financojnë në mënyrë të padrejtë në futboll, krahas Flamurtarit, ku nuk ka një dakordësi mes administratorit dhe bashkisë.
TIFOZËT NË SUPERIORE – Ka raste që stadiumet janë plot, kryesisht në derbi, por ka raste që i njëjti klub luan një ndeshje po aq të rëndësishme, por stadiumi nuk është as në 50% të kapacitetit. Kjo nuk ka lidhje vetëm me lojën. Ka kampionate ku niveli është i njëjtë, dhe stadiumi është plot. Ka të bëjë me promocionin që bën klubi. Edhe integriteti i garës është faktor. Në një shoqëri si kjo që nuk besojmë asgjë, as në rezultatin e zgjedhjeve, bëjmë të mos kemi besim.
STADIUMI PËR KLUBET – Kukësi po bën impiantin e ri. Sot nuk jam në gjendje të them koston për ndeshje, por politika do jetë e tillë që klubeve tona t’u ofrohet nën kosto, dhe t’i përballojë FSHF mirëmbajtjet.
PANORAMASPORT.AL
NDIQE LIVE "PANORAMA TV" © Panorama.al
