Përfaqësuesi i OSBE-së për mediat, Harlem Desir, ka reaguar ndaj projektligjit për anti-shpifjen që pritet të miratohet nesër në seancën plenare.
Në një reagim zyrtar në Twitter, Desir bën me dije se është punuar më kryeministrin Edi Rama dhe qeverinë dhe ndryshimet e fundit në paketën anti-shpifje janë bërë sipas rekomandimeve të tyre.
OSBE thekson se në versionin e fundit zyrtar të paketë janë bërë shumë përmirësime, përfshirë heqjen e atributit që i ishte dhënë AKEP për mbylljen e mediave.
Ndër të tjera OSBE njofton se po punohet edhe për të zvogëluar nivelin e gjobave, ndërsa i bën thirrje AMA0s që të zbatojë ligjin në një mënyrë vërtetë të pavarur.
Reagimi i OSBE:
Ne kemi punuar me Kryeministrin Edi Rama dhe Qeverinë e Shqipërisë, deri në minutën e fundit për të përmirësuar projektligjet për median dhe për t’i sjellë ato në përputhje me standardet ndërkombëtare dhe angazhimet e OSBE-së.
Shumë përmirësime në versionin e fundit të botuar sot në krahasim me projektligjet e mëparshme: detyrimet e regjistrimit janë eliminuar; masa mbrojtëse të përgjithshme lidhur me standardet ndërkombëtare të prezantuara (neni 4); janë futur kufij të rreptë për marrjen e përmbajtjes (neni 132); rregullimi i së drejtës së përgjigjes është përshtatur me nevojat e botimeve elektronike dhe është kufizuar për të shmangur keqpërdorimet (neni 53/1); atribuimi i ri i AKEP është eliminuar.
Puna do të vazhdojë për të zvogëluar nivelin e gjobave, dhe për miratimin e një instrumenti nënligjor të ardhshëm, në mënyrë që të garantohet që asnjë gjobë në përpjesëtim nuk mund të vendoset për ofruesit e shërbimeve elektronike të publikimit.
Zyra ime do të monitorojë nga afër zbatimin e ligjit i cili në asnjë mënyrë nuk duhet të pengojë lirinë e shprehjes dhe lirinë e mediave. AMA duhet të zbatojë ligjin në një mënyrë vërtet të pavarur.
NDIQE LIVE "PANORAMA TV" © Panorama.al