Një studente 22-vjeçare është dënuar me dy vjet burg pasi përdori kartën e kreditit të shoqes së dhomës, për të bërë operacione plastike.
Studentja britanike kishte memorizuar kodet e kartës dhe kishte shpenzuar 5000 paund për të paguar operacionet e hundës dhe buzëve të saj.
Ayesha Pudden dëshironte të “rinovonte” veten por nuk kishte para personale për ta bërë këtë, prandaj gjeti një mënyrë më të thjeshtë dhe ja mori shoqes. Më pas ajo postonte foto në Instagram dhe në Facebook ku tregonte jetën luksoze që po bënte si dhe jetën me hundën dhe buzët e reja.
Pasi shoqja e dhomës e kishte kuptuar se çfarë kishte ndodhur e kishte denoncuar dhe gjykata e dënoi me dy vjet burg për vjedhje dhe mashtrim.
NDIQE LIVE "PANORAMA TV" © Panorama.al