Sulmuesi Erling Haland ka rrëmbyer vëmendjen e të gjithëve me performancat e fundit me Mançester Sitin. Është e pashmangshme të mendosh se asnjë sulmues nuk ka qenë i tillë në moshën 22-vjeçare, ndaj “Tuttomercato” ka krahasuar karrierën e sulmuesve më të mirë si Mesi, Ronaldo, Benzema etj.
Erling Haland
Në moshën 22 vjeç e dy muaj ai mund të mburret me 26 gola në Champions League, për më tepër në 21 ndeshje. Me një mesatare goli më të lartë se kushdo tjetër në botë. Në Premier League është një cunami i vërtetë: 14 gola në 8 ndeshjet e para dhe “hat-trik”. Është e pashmangshme të mendosh se asnjë sulmues nuk ka qenë i tillë në moshën 22-vjeçare, ndaj krahasohet karriera e sulmuesve më të mirë aktualisht në biznes në të njëjtën moshë me Haland.
Karim Benzema
Në moshën 22-vjeçare ai ka shënuar 8 gola në 27 ndeshje në La Liga dhe një gol në 5 ndeshje të Champions League.
Edison Kavani
Teksa ishte në moshën 22-vjeçare ai po përgatitej të luante sezonin 2009/10 me fanellën e Palermos. Ai sapo kishte thyer rekordin personal të Serisë A me 14 gola, duke u përmirësuar ndjeshëm në dy sezonet e mëparshme ku kishte shënuar 2 dhe 5 gola.
Kristiano Ronaldo
Në nivel klubi, CR7 ishte ylli i Mançester Junajtid. Në moshën 22-vjeçare ai e mbylli sezonin me 31 gola në 34 ndeshje në Champions League dhe mbi të gjitha fitoi Ligën e Kampioneve në Moskë.
Lionel Mesi
Në moshën 22-vjeçare ai e tërhoqi Barcelonën drejt fitores në Champions League, duke shënuar gjithashtu një goditje spektakolare me kokë në finalen e Romës kundër Junajtid. Ajo ndeshje i solli atij 17 gola në 33 ndeshje, një mesatare shumë më e ulët se Haland. Në kampionat ai fillon të shënojë rregullisht dhe sezoni 22-vjeçar do ta çojë atë drejt mbylljes me 34 gola mbresëlënës në 35 ndeshje.
Tomas Myler
22-vjeçari tashmë ka një Botëror të shkëlqyer me Gjermaninë dhe një finale të Champions League të luajtur si titullar. Ai shënoi 25 gola në Bundesligë dhe 6 në Champions League në 21 ndeshje.
Kilian Mbape
Ky është lojtari i destinuar për të garuar për “Topin e Artë” në vitet në vijim. I lindur në vitin 1998, francezi shënoi 27 gola në 31 ndeshje në Ligue 1 dy vjet më parë, jo mjaftueshëm për t’i dhënë titullin PSG. Shifra mbresëlënëse në Francë, ku tashmë në 2018/19 arriti në 33 gola në 29 ndeshje. Para atij sezoni, golat në Ligue 1 ishin 80, më pak se Haland nëse marrim parasysh golat e norvegjezit në ligat e ndryshme të kategorisë së parë (Norvegji, Austri, Gjermani) që janë 93. Në Champions League në të njëjtën moshë, kishte 19 gola, gjithashtu këtu më pak se Haland.
PANORAMASPORT.AL
NDIQE LIVE "PANORAMA TV" © Panorama.al
