Kryeministri i Malit të Zi, Zdravko Krivokapiq, ka bërë të ditur se ka kërkuar dorëheqjen e ministrit të Drejtësisë, të Drejtave të Njeriut dhe të Pakicave, Vladimir Leposaviq, për shkak të deklaratës për Srebrenicën, dhe meqenëse Ministri nuk e ndryshoi pozicionin e tij, ai bëri një propozimin për shkarkimin e tij.
Ndryshe, reagimi i kryeministrit malazez vjen pasi Leposaviq kishte thënë më parë se ai do ta njihte gjenocidin në Srebrenica “kur ai të vendoset pa mëdyshje” dhe se gjykata në Hagë, ku u provua gjenocidi, “humbi legjitimitetin e saj”.
“Deklarata mbeti në të njëjtin sfond dhe nuk mund ta përballoja atë luks, por reagova në emër të Qeverisë dhe thashë se çfarë është një fakt. Unë kërkova dorëheqjen e Leposaviq, sepse besoj se kjo është mënyra më e mirë për të treguar përgjegjësinë tonë në një akt personal”, ka thënë Krivokapiq gjatë një prononcimi për media, përcjell Telegrafi.
“Unë e bëra atë të premten dhe e bëra sot, duke dashur të mbroj së pari integritetin e kësaj Qeverie. Meqenëse Leposaviq mbeti në pozicionin e tij, unë mora një vendim të vështirë – një propozim për të shkarkuar një anëtar të Qeverisë, në këtë rast ministrin Leposaviq”, citohet të ketë thënë më tej Krivokapiq.
Ndryshe, deklarata e Leposaviqit ka nxitur reagime të shumta si nga brenda, po ashtu edhe nga jashtë Malit të Zi.
NDIQE LIVE "PANORAMA TV" © Panorama.al
