Në orën 15:00 me orën lokale të Britanisë i është dhënë lamtumira e fundit princit Philip, i cili ndërroi jetë më 9 prill në moshën 99-vjeçare.
I gjithë vendi ka mbajtur 1 minutë heshtje, në nder të bashkëshortit të ndjerë të mbretëreshës Elizabeta e II. Në ceremoninë e homazheve morën pjesë 30 anëtarë, një numër ky shumë i reduktuar, kjo për shkak të masave anti COVID.
Gjatë gjithë javës, arkivoli i Dukës së Edinburgut ka qëndruar në kishën private të Kalasë së Windsor.
Dy princat William dhe Harry, të cilët thuhet se kanë pasur një krisje të marrëdhënies së tyre vitet e fundit pas largimit të Harry nga familja mbretërore, nuk kanë ecur krah për krah, por me kushëririn e tyre Peter Phillips në mes.
Princi William dhe Kate Middleton janë fotografuar në makinë. Duka kishte veshur kostum, ndërsa Kate një fustan të zi, kapelë të zezë dhe perla të bardha në qafë, ndërkohë që të dy kishin dhe maskat mbrojtëse ngjyrë të zezë.
NDIQE LIVE "PANORAMA TV" © Panorama.al