Një grua 56 vjeçe ka humbur jetën si pasojë e mbytjes në zonën pranë Shkëmbit të Kavajës.
F.B., banuese në Tiranë është mbytur në det aksidentalisht thuhet nga Policia.
Ngjarja ka ndodhur tek “Arbëri” në zonë e Shkëmbit të Kavajës rreth orës 20:00.
56-vjeçarja ndodhej bashkë me vajzën e saj dhe doli nga uji në gjendje të rëndë.
Një mjek i cili ndodhej rastësisht aty i ka bërë masazh kardiak, por pa mundur ta risjellë në jetë.
Ndërkohë, ambulanca ka ardhur rreth 40 minuta pas telefonatës për ndihmë.
Shkak është bërë dhe ngushtica e rrugëve që ambulanca të afrohej në vendin ku ndodhej e shtrirë gruaja.
Kjo detyroi disa burra që ta merrnin me batanije dhe ta dërgonin te ambulanca.
Ajo u dërgua në Spitalin e Durrësit për ndihmë të parë, por nuk mbijetoi.
NDIQE LIVE "PANORAMA TV" © Panorama.al