Hetimet për personat e plagosur dhe tre të vrarët në Masakrën e Elbasanit kanë nxjerrë detaje të tjera në dritë.
Një prej të plagosurve, Ardjan Zharri, sipas hetimeve rezulton se nuk kishte asnjë lidhje farëfisnore apo miqësie me Çapjet.
Burime për “Panoramën” nga vendngjarja thonë se Ardhan Zharri ishte i rastësishëm në këtë tragjedi.
Ai kishte shkuar në lokal për të parë një ndeshje të Serisë A italiane. Hetimet tregojnë se Zharri nuk ka precedentë penalë dhe lidhje me Çapjat.
NGJARJA
Në atentatin e ndodhur mbrëmjen e së mërkurës në periferi të qytetit të Elbasanit mbetën tre persona të vrarë dhe shtatë të tjerë të plagosur.
Katër persona të veshur me uniformë policie dhe të armatosur me kallashnikovë hapën zjarr në drejtim të lokalit ku ndodheshin pjesëtarë të familjes Çapja dhe të afërm të tyre.
Ngjarja sipas policisë ka si motiv vrasjen e Sokol Çapjes në vitin 2005 nga Gentian Beqiraj dhe zinxhirin e vrasjeve për hakmarrje që pasuan më pas konfliktet mes dy familjeve të njohura të Elbasanit.
Viktimat:
Agron Çapja
Ardit Sinakolli
Eno Bedalli
Të plagosurit:
Fejzulla Çapja
Florenc Çapja
Arnold Çapja
Ferit Muça
Luan Muça
Bujar Reshka
Ardian Zharri
NDIQE LIVE "PANORAMA TV" © Panorama.al
