Kandidati për kryeministër, Ramush Haradinaj, ka takuar sot ambasadorin britanik Ruairi O’Connell.
Haradinaj thotë se gjatë takimit me të, ai e ka siguruar ambasadorin se do të angazhohet për ta formuar Qeverinë dhe për adresimin e çështjeve që, sipas tij, kërkojnë zgjidhje urgjente.
Postimi i plotë i Haradinajt:
Sot pata kënaqësinë ta pres në takim Ambasadorin e Mbretërisë së Bashkuar, Ruairi O’Connell, me të cilin folëm për procesin zgjedhor dhe për krijimin e institucioneve të reja të Kosovës.
E sigurova Ambasadorin O’Connell, për angazhimin maksimal timin dhe të partnerëve, për krijimin e Qeverisë së re dhe për adresimin e çështjeve, që kërkojnë zgjidhje urgjente, që nga sundimi i ligjit, proceset integruese e deri te zhvillimi ekonomik i vendit.
I përcolla mirënjohjen time për angazhimin e Mbretërisë së Bashkuar, në mbështetjen e Kosovës dhe proceseve të saj demokratike dhe njëkohësisht kërkesën për thellimin e mëtejmë të bashkëpunimit ndërmjet Kosovës dhe Mbretërisë së Bashkuar.
RH
