Albumi i fundit i Taylor Swift, ‘The Tortured Poets Department’, ka thyer rekorde duke kryesuar listat e me shitjet dhe dëgjimet më të mëdha brenda një jave.
Albumi prej 31 këngësh, arriti 270,000 kopje të shitura në Mbretërinë e Bashkuar në shtatë ditë, duke thyer rekordin prej 204,000 kopjeve për albumin e saj të vitit 2022, “Midnights”.
Swift tani krahasohet me Madonën, si artistja femër me numrin më të madh në Mbretërinë e Bashkuar. Të dy yjet kanë arritur 12 albume të top-listave në karrierën e tyre.
“The Tortured Poets Department” u publikua të premten e kaluar si një album i pavarur me 16 këngë. Dy orë më vonë, Swift i befasoi fansat duke nxjerrë një vëllim të dytë, të titulluar Antologjia, që përmban 15 këngë shtesë.
Albumi ka thyer dhjetëra rekorde në javën e parë të publikimit, pasi arriti të luhet 1 miliard herë në Spotify brenda një jave, dhe ishte bërë albumi më i dëgjuari.
Në SHBA, “The Tortured Poets Department” parashikohet të shitet më shumë se 1.8 milionë herë këtë javë.
Po ashtu, një prej këngëve në album, kënga e parë, është kënga më e transmetuar e Spotify në një ditë të vetme. Vetëm ditën e publikimit, ajo u transmetua 25.2 milionë herë, duke thyer rekordin për këngën me më shumë luajtje në një ditë të vetme.
Rekordi i mëparshëm u vendos në prag të Krishtlindjeve 2023, kur 23.7 milionë njerëz luajtën këngën “All I Want For Christmas Is You të Mariah Carey”.
Albumi në gjashtë ditët e para, grumbulloi 799 milionë transmetime në të gjitha platformat në SHBA.
Kjo e tejkalon lehtësisht rekordin e mëparshëm të Drake prej 746 milionë me publikimin e tij në 2018, Scorpion.
Në tabelën e këngëve në Mbretërinë e Bashkuar, Swift gjithashtu mban pozicionin numër një këtë javë me Fortnight. Dy këngë të tjera të Tortured Poets bëjnë pesëshen e parë.
Swift nuk mund të ketë më shumë hyrje në Top 40 nga një rregull që lejon vetëm tre këngë nga një artist të futen në tabelë në të njëjtën kohë.
