Një ditë më parë u raportua për një ngjarje tepër të rëndë, ku një 55-vjeçar përdhunoi vajzën e mitur të shokut të tij. Ndërkohë, babi i 11-vjeçares ka treguar detaje, duke thënë se kur ka shkuar në shtëpi e ka gjetur vajzën duke qarë, por që nuk e kishte kuptuar se çfarë kishte ndodhur.
“Ai kishte ardhur këtu tek shtëpia e mbaja me lek me bukë, se mblidhte kanoçe. E njihnim në Sarandë, por rrinte në Tiranë. Kur vij në shtëpi hap derën dhe shoh vajzën duke qarë. Më tha doli gjak. Thash mos është prerë me ndonjë gotë dhe e pash s’kishte gjë. Mos ik nga shtëpia më thotë mua edhe dridhej. Më pas marr nusen në telefon dhe i them kështu, kështu. Nuk më vajti mëndja”, u shpreh babai për emisionin “Shqipëria Live”.
E mitura i ka treguar mamasë së saj se çfarë ka ndodhur dhe veprimet që 55-vjeçari Astrit Terolli ka bërë me të.
“Vajta në lokal të pija kafe dhe kur kthehem e shoh nusen që kishte fytyrë tjetër. Ia kishte thënë vajza të gjitha, pastaj marr vajzën dhe mi thotë të gjitha. Një të vajtur me polici dhe të kapnim atë. Vajza është mirë, me mua është”, shtoi më tej ai.
Një ngjarje e rëndë u raportua ditën e djeshme, ku një 11-vjeçare u përdhunua nga miku i babait të saj. Astrit Terolli kishte shkuar për vizitë në shtëpinë e mikut të tij dhe kur e ka gjetur vetëm të miturën, ka kryer abuzimin me dhunë ndaj saj. 55-vjeçari u vu në pranga, pas denoncimit që prindërit kanë bërë në polici.
NDIQE LIVE "PANORAMA TV" © Panorama.al
