Vazhdon seria pozitive e Vejles në elitën e futbollit danez. Skuadra e trajnerit Sormani, ku aktivizohen 2 futbollistët shqiptarë, Ylber Ramadani dhe Arbnor Muçolli, nuk njeh humbje në 3 ndeshjet e para të kampionatit teksa ka barazuar 1-1 në shtëpi ndaj Arhus.
Të 2 mesfushorët shqiptarë u aktivizuan titullarë si gjithmonë, duke bërë një paraqitje të kënaqshme. Muçolli u zëvendësua nga Sormani në minutën e 64-t, ndërkohë që Ramadani qëndroi 90 minuta.
Me barazimin e sotëm, Vejle u ngjit në kuotën e 5 pikëve dhe momentalisht mban vendin e gjashtë. Sfidën e radhës skuadra e shqiptarëve do ta luajë ndaj Midtjuland.
NDIQE LIVE "PANORAMA TV" © Panorama.al