Kreu i Partisë së Lirisë, Ilir Meta, ka reaguar në lidhje me urdhër-arrestet e lëshuara nga SPAK për ish-zyrtarët e Bashkisë së Tiranës për dosjen ‘5D’ që ka lidhje me iceneratorët.
Meta ka postuar një dokument që mban firmën e kryebashkiaut Erion Veliaj dhe një foto ku shfaqet ky i Sekretari i Përgjithshëm i PL-së duke i vënë prangat Veliajt.
Ai shprehet se prangat e Tedi Blushit nuk do të mbeten virtuale.
Postimi i Metës:
Prangat e Tedi Blushit nuk do të mbeten virtuale! Turp për prokurorët e korruptuar!
Postimi i Tedi Blushit:
Afera korruptive e inceneratorit nuk është ideuar nga drejtorët e Bashkisë së Tiranës që po vetëofrohen të bëjnë burg në emër të Kryetarit të Bashkisë.
Krimi i vjedhjes me inceneratorin inekzistent dhe nën sekuestro të Tiranës ka emër dhe mbiemër: Erion Veliaj.
E tij është Mega-Firma e paligjshme që i dha jetë kësaj kryevepre korruptive, pa mbledhur Këshillin Bashkiak, duke shkelur ligjin për pushtetin vendor dhe zhytyr në borxh banorët e Tiranës për 30 vite.
Drejtësia dhe fundi i pandëshkueshmërisë nuk është çështje arrestimesh drejtorësh dhe bedelash!
Drejtësi, pa marrë të pandehur Erion Veliaj, nuk mund të ketë!
Gjithçka tjetër është “Drejtësi me Regji”!
NDIQE LIVE "PANORAMA TV" © Panorama.al
