Këngëtarja Fjolla Morina votoi dje në Fakultetin e Filologjisë në Prishtinë për kryetarët e ardhshëm të komunave. Artistja iu bashku figurave të tjera të njohura të botës së ekranit për të shprehur vullnetin e saj të lirë me votë.
Pas votimit, Fjolla dha një prononcim për “T7”, ku tha se e ka kryer obligimin e saj si qytetare. Por e pyetur nëse ka menduar ndonjëherë të bëhet pjesë e politikës, Fjolla i habiti të gjithë me përgjigjen që dha.
“Ka raste që e kam menduar, por më mirë jo. Ndoshta mundet me ndodhë ndonjëherë më vonë, pse jo”,- tha ajo, duke mos e përjashtuar mundësinë se një gjë e tillë mund të ndodhë.
Pas daljes nga paraburgimi, këngëtarja po e shijon në maksimum lirinë, edhe pse përflitet për një ndarje nga bashkëshorti i saj biznesmen, Fisnik Syla.
Shkak janë bërë fshirja e fotove me njëri-tjetrin në rrjete sociale, si dhe fakti që ata nuk e ndjekin më njëri-tjetrin online. Pas kësaj, Morina tregoi publikisht se kishte vendosur t’i nënshtrohej disa ndërhyrjeve estetike për të “freskuar” fytyrën e saj.
“Ka ardh koha me u zbukuru”, shkroi ajo krahas imazhit që publikoi në Instastory.
Biznesmeni nuk e ndjek më as vajzën e madhe të Fjollës, Ledianën dhe anasjelltas.
Dyshja u martuan në një ceremoni private në Maldive, ku i thanë “Po” përgjithmonë njëri-tjetrit. Megjithatë, duket se mes tyre kanë lindur disa probleme që i kanë shtyrë të ndërpresin kontaktet.
NDIQE LIVE "PANORAMA TV" © Panorama.al