Një ditë pas deklaratës së kreut të LSDM-së maqedonase, Zoran Zaev, se ai nuk kishte thënë asnjëherë se shqiptarët e rastit “Monstra” ishin të pafajshëm, vjen reagimi i gazetës gjermane “Die Zeit”.
Zaev kishte dhënë një intervistë për gazetën gjermane ku thoshte se shqiptarët e dënuar për vrasjen e 5-fishtë në afërsi të Shkupit, ishin të pafajshëm dhe se ai do të publikonte dokumente që tregonin për inskenim nga ana e qeverisë të masakrës.
Mirëpo një ditë pas publikimit të artikullit në gazetën gjermane, Zaevi përgënjeshtroi deklaratat duke thënës e gazeta i kishte keqinterpretuar përgjigjet e tij, duke thënë se nuk kishte deklaruar se shqiptarët ishin të pafajshëm.
Mirëpo, në reagimin e sotëm “Die Zeit” thotë se nuk ka keqinterpretuar asnjë deklaratë dhe se Zaevi ka thënë vërtetë për gazetën se shqiptarët ishin të pafajshëm.
NDIQE LIVE "PANORAMA TV" © Panorama.al