Deputeti i PD nxjerr videon/ Plagosja nga RENEA e të dyshuarit për strehimin e dy vrasësve, Murrizi: Ja e vërteta

SHPËRNDAJE

Mëngjesin e sotëm në fshatin Rremas në Divjakë ka mbetur i plagosur një 77 vjeçar pas aksionit të RENEA-s në banesën e tij, pasi dyshohej së në të fshiheshin dy të kërkuar për vrasje.

Sipas njoftimit të Policisë thuhet se pasi Hazhi Lika nuk iu bind thirrjeve të RENEA-s për të ulur armën, (çifte), ata kanë qëlluar në ajër por në rrethana të paqarta ai është plagosur në kokë.

Ndërkohë deputeti demokrat Myslim Murrizi, ka publikuar një video teksa një i afëm i Likës tregon sesi ndodhi ngjarja.

“Erdhi policia në katër të mëngjesit. Siç e shihni dhe vet ata qëlluan me armë. Qëlluan gjyshin, ishte i shtrirë në krevat. Në momentin që ka qenë duke u ngritur e kanë qëlluar në kokë. Ai është në spitalin ushtarak”, ka thënë nipi i të plagosurit.

“Nje ngjarje e RENDE ka ndodhur sot ne mengjes rreth ores 4:00 ne lagjen e LIKAJ te fshatit Remas bashkia Divjake.

Forcat RENEA kane terrorizuar pa asnje shkak, banoret e ketij fshati.

Kane qelluar me arme brenda shtepise se Z Haxhi Lika 75 vjeç, duke e plagosur te shtrire ne krevat brenda dhomes se tij.

Pastaj e kane mare si bandite dhe e kane derguar ne spitalin ushtarak, pa pyetur familjaret.

Ky eshte nje shtet qe vret qytetaret brenda ne dhomen e gjumit, ne mes te nates.”, shkruan Murrizi në Facebook.

Te lidhura

 

S'KA KOMENTE

Comments are closed.