Rreth 10% e numrit të studentëve të pranuar për herë të parë në programin Bachelor dhe Master në Univeristetin Mesdhetar të Shqipërisë, do të financohen me bursa të kategorive të ndryshme.
Që nga themelimi i tij, UMSH ka patur një politikë bursash që u ka ofruar mundësi arsimimi familje me ndihmë ekonomike, jetimë, fëmijë dëshmorësh, me aftësi të kufizuara. Rreth 1500 familje kanë përfituar nga kjo skemë.
Sot UMSH ofron disa lloje bursash.
Me Bursë të plotë trajtohen aplikantë nga grupet në nevojë (familje me ndihmë ekonomike, jetimë, fëmije dëshmorësh, me aftësi të kufizuara, nxënës me mesataren 9.8-10.
Gjithashtu UMSH ofron Bursë të pjesshme Talenti nga ku përfitojnë aplikantë të spikatur në konkurse, gara ose organizata të ndryshme.
Bursa e mesatares me kuotën 1000 Euro, ku pranohen deri në 3% e studentëve të regjistruar për herë të parë me mesataren mbi 8.5 në shkollen e mesme.
Si aplikohet për bursë?
Universiteti Mesdhetar ka një komision të veçantë që vendos sipas politikës dhe udhëzimit të miratuar, për numrin dhe kategoritë e studentëve që do të trajtohen me bursë. Aplikimi për bursat do të bëhet deri më në fund të periudhës së aplikimeve për të dy ciklet e studimeve dhe vendimet do të dalin për çdo rast brenda 48 orëve nga paraqitja e kërkesës. Aplikimi për bursë do jetë pjesë e paketës së regjistrimeve dhe do të plotësohet nga aplikantët. Verifikimi paraprak është pjesë e punës së Univeristetit Mesdhetar të Shqipërisë, verifikim i cili do t’i vihet në dispozicion në fund të çdo ditë Sekretarisë për përpilimin e tabelës përmbledhëse. Gjatë aplikimit kandidati duhet të specifikojë për cilin grup burse aplikon dhe duhet të plotësojë dokumentacionin e kërkuar.
NDIQE LIVE "PANORAMA TV" © Panorama.al